فارسچي، تماميتچي عوامفريبلر و اونلارين قويروقلاري - ايشيق سؤنمز

بيلينديگي كيمي زامان گئديشي ايله ايران آدي آلتيندا فارس ميلليتچيليگي دئيه گيزلنمگه چاليشان فارس راسيستلري نين اللري ايران مماليكي محروسه سينده كي فارس اولمايان ائتنوسلار اوچون آچيلماق اوزره دير. بو آرادا بو ذاتلار ايران مماليكي محروسه سينده كي موختليف ديل و مدنيت صاحابلاريني “قبيله گرا، قومگرا و قوم پرست” دئيه اويدوردوقلاري يالانلار ايله قارالاماغا چاليشديقلارينا تانيق اولوروق. يئري گلميشكن بو ذاتلاردان بعضيلري نين دوشونجه و فيكيرلريني اورتايا قوياراق بو ذاتلارين نئجه اينسان تيپيندن اولدوقلارينا دايير دوشونجه يئريتمگه چاليشاق.

فارس تماميتچيسي كيمي تانينان مزدك بامدادان “قبيله گرا چيست” آدلي يازيسيندا يازير:
“كيستي ملي” چيزي نيست، مگر برآيند كيستيهاي تك تك شهروندان.”(۱)

اوسته كي مزدك بامدادان ايمضاسي ايله سرگيلنميش ايفاده تك ائتنوسلو بير مملكت، اؤرنك اولاراق آلمان توپلومو اوچون يازيلسايدي، بو دئييم اوزره دئييله جك بير سؤز اولمازدي. دئمك، آلمان ايمپئراتورلوغو لهيستان، چئكاي و بير چوخ قونشو اؤلكه لردن دالي اوتوراراق ائنيك آلمان تورپاقلاريندا اؤز ميللي دؤولتيني ياراتميش گؤرونور. ايران مماليكي محروسه سينه گلديكده ۳ بيربيريندن اوزاق ديل قوروپلارينا باغلي اولان موختليف ميللتلري “ملت ايران” دئيه فارس ديل و مدنيتي نين دوستاغي و زيندانينا سالماق ۲۱-اينجي عصريرين اينسانينا اويقون گؤرونه بيلمز دئيه دوشونمه لي ييك.

دئمك، ميللي كيمليك (كيستي ملي) اوزره دوشونجه و فيكير يئريدركن موختليف ايجتماعيتلري عوام خيال ائتمك و يوخسا كهليك كيمي باشي قاري سوخماق دئييل، بير آز فارسليق مفكوره سيندن اوزاقلاشاراق ايران مماليكي محروسه سينده كي باشقا ديل و مدنيت صاحابلاريني دا نظره آلمالي، اونلارين ميللي كيمليكلري و ديل مدنيتلري اوزره اولان باسقي فارسليق اوزره يوكلنسه ايدي، - ميلليتلر مسئله سينه فارسچيلارين ياناشماسي نئجه اولاردي – مسئله سيني ده نظره آلمالي ييق. گؤروندوگو كيمي توخون (فارس يانچيلاري نين) آجدان (تورك، كورد، عرب، بلوچ، لور و ساييره ديل ومدنيت صاحابلاريندان) خبري اولماديغي اوچون يازاجاغي داوا و درمان دا ائله فارسليق مفكوره سينه اويقون گؤرونه بيلر. ائله بوندان يانا دا اويروق (تابع، شهروند) مقوله سي سؤز قونوسو اولدوقدا بو اويروغون هانكي اساسدا اولدوغو ايفاده اولونماليدير. بيلينديگي كيمي كئچميش ۸۲ ايلده ايران مماليكي محروسه سينده فارس ديلي و مدنيتي رسمي، باشقا ديل و مدنيتلر غير رسمي دئيه بو مماليكي محروسه نين فارس اولمايان ائتنوسلارينا ديل و مدنيت آچيسيندان ائتنوسيد (كولتور سوي قيريمي) حياتا كئچمك اوزره دير. بئله بير دورومدا ديلي ياساق، مدنيتي ياساق ميللت اوولادلارينا ايران اويروقلو (تابع ايران، شهروند ايراني) آدي وئرمك اؤزو ده بو مقوله لردن باش آچمامانين گؤرستگه (نيشانه) سيدير.

مزدك بامدادان ايمضاسي ايله يازيلميش يازيدا گئنه ده يازير:
“در اينجا مي خواهم با نگاه به “تاريخ” و “چهره هاي تاريخي” نشان دهم كه قبيله گرايان ما تا بكجا در نهانخانه انديشه خود پايبند به “خون پاك” هستند و با اين همه دشمنان قبيله گرائي را با بي شرمي نژادپرست مي خوانند.”(۱).

اوسته گؤروندوگو كيمي راسيستلري نين ايفاده ائتديكلري “خون پاك” مقوله سي واسيطه سي ايله فارس تماميتچيلري بير عوامفريب اولاراق ايران مماليكي محروسه سينده ميلليتلر مسئله سي اوزره كؤلگه سالماغا چاليشارلار (۲.۴.۲). مزدك بامدادان آيري بير يازيسيندا ائله بيل فارس تماميتچيلريني ده هدف آلميش دئيه يازير:
” ما اگر بخواهيم گفتمان “حق شهروندي” را از پرسمان ملي خود كنار بگذاريم، چيزي جز يك قبيله بزرگ هفتاد ميليوني نخواهيم بود. قبيله گرايي قبيله گرايي است، چه نام اين قبيله “قبيله توركان” باشد، چه قبيله “عربان” و “كردان” و چه قبيله “ايرانيان”(۳).

بيليندگي كيمي قبيله دئييمي كيچيك بير توپلوم اولاراق بير كند و قيشلاغا سيغيشميش بير توپلوم عضولريندن اولموش و بؤيوك توپلوملاري اولوشدورماقدا قاتقيسي اولاجاق بيريم (واحيد) ساييلار. بو باخيمدان گؤروندوگو كيمي فارس تماميتچيلري اؤز عوامفريبليك دوشونجه و فيكيرلريني ايفاده ائتمگه چاليشاركن دونيا چاپيندا نورمالاشميش دئييملري ده آياق آلتينا آتماغا، بئله ليكله مدني شهر، ولايت، ايالت و مملكتلري اولوشدوران توپلوملارا دا كؤلگه دوشورمگه چاليشارلار. اوسته ليك بو عوامفريبلر فارس تماميتچيليگيني “ايران و ايرانيان” بيچيمينده بير دئموكرات مئاب كيمي ايجتماعيته سرگيله مگه چاليشيرلار. اونلار بو يئتيمش ميليون اينساني اولوشدوران توپلومو سؤز قونوسو ائدركن دوشونجه لري تماميتچيليك اساسيندا اولدوغو اوچون “قبيله گرا، قومگرا، قوم پرست، عاليم بيگانه، مزدور خاريجي، پان تركيست، پان عربيست و سايير دئيه” موختليف ائتنوسلار باغلي اولان اينسانلاري دا دولاييلي اولاراق ايران و ايرانيان (اوخو: فارس) دئيه قلمه آلماغا چاليشارلار. مزدك بامدادان گئنه ده يازير:
“…. از ديگر نمونه هاي پيشينه سازي، تراشيدن كيستي تركي براي نامداران ايراني است. قبيله گرايان تنها از آنرو دست به اين كار ميازند كه “كيستي ايراني” را از خود نمي دانند و بدنبال يك ملت سازي همه سويه بر پايه “كيستي تركي” هستند”(۱).

گؤروندوگو كيمي مزدك بامدادان باشقا فارس تماميتچيلري كيمي يئر يووارلاغيندا (كوره سينده) بير جوغرافي آدا بير ائتنوس ماهيتي وئرمگه چاليشاراق ايرانلي كيمليگي (كيستي ايراني) مقوله سيني اورتايا آتميش مقامدا يئر آلير. بيلينديگي كيمي ايران كلمه سي هر هانكي بير ديل آدي اولماديغي اوچون ايرانلي اولماق دا كيمسه نين ديل و مدنيت كيمليگي دئييل، بوگونكو سياسي نيظام و اينتيظاما اساساً بير اويروق (تابع، شهروند) ماهيتي داشي يير. دئمك، كئچميشده فارس ديليني “زبان ايراني”، فارس موسيقيسيني “موسيقي ايراني” و ساييره قلمه آلان ذات عاليلر فارس تماميچيليگينه ايران مماليكي محروسه سينده رسميت وئرمگه چاليشان فارس راسيستلري و اونلارا قويروق اولانلار اولموشلار. تورك مقوله سينه گلديده ايسه، تورك دئييمي تورك ائتنتوسونا وئريلميش بير آددير. بو آد يئرينه گؤره بير شخص اوچون تورك، قبيله اوچون تورك قبيله سي و بؤيوك توپلوم اولاراق تورك ميللتي دئيه وئريلميش و دونيا ايجتماعيتيلري طرفيندن قبول اولموش بير آددير. بوگون تورك توپلوملاري بعضاً موستقيل حاكيميتلر و بعضاً ايسه باشقا دؤولتلرين حاكيميتلري نين آلتيندا ياشاديقلاري و اونلارين ديل اؤزلليكلريني ده نظره آلاراق بو توپلوملارا موختليف آدلار وئريلميشدير. بو مسئله ايله راضيلاشماق ايستمه گن فارس راسيستلري و تماميتچيلري بو دگيشيلمه يه جك دئييملري دگيشمه گه چاليشماق يئرينه اؤز گئري قالميش ذكاوتلريني يوكسلتمه ليديرلر. باشقا دورومدا دونيا ايجتماعيتلريني اؤزلرينه گولدوره رك اؤزلري ده بوگونكو توپلوملاري باشا دوشمكدن عاجيز قالارلار. ايكينجي يازي مهدي گرايلو ايمضاسي ايله يازيلميش يازيدير.

اونون دا بعضي پاساژلاريني بيرليكده اوخوياق:
“… به عنوان عضوي از جبهه چپ راديكال مي توانيم اعلام كنيم كه اين جبهه تاكنون در باب خرافي، گنگ و نامتعين بودن مفاهيمي از قبيل ملت، قوميت، نژاد و… كم به بحث و مجادله مكتوب و شفاهي نپرداخته است. …. مي توان صحت، دقت و اعتبار زبان، لباس، سرزمين مادري، رنگ پوست، فرهنگ بومي و ديگر نمونه هاي به ناچار نادقيقي كه به منظور اثبات حقانيت و واقعيت مفهوم گنگ، خرافي و سيالي چون «قوميت» مكررا ً دست آويز ناسيوناليستهاي اقوام منطقه قرار مي گيرد را به چالش كشيد.”(۴)

اوسته گؤروندوگو كيمي اؤزلريني “جبهه چپ راديكال” آدلانديران ذاتلار ايران مماليكي محروسه سينده كي فارس اولمايان ميلليتلرين ديل و مدنيت مسئله لريني ايجتماعي و مدني بير مسئله دئييل، اؤنمسيز اينانج (خرافات)، آنلاشيلماز (گنك) و معلومسوزلوق (نامتعين) كيمي قلمه آلماغا چاليشارلار. بو اؤزلريني سسسيزجه “جبهه چپ راديكال فارس” قلمه آلان ذاتلار بو دئديكلرينه برائت قازانديرماق اوچون بو مسئله يه فيزيولوژيك بوياق (رنگ) مسئله سيني ده آرتيرميش مقامدا يئر آلارلار. ايران مماليكي محروسه سينده كي ميلليتلر موختليف بوياقلاردا اولماديقلاري اوچون فارس راسيستلري و اونلارا قويروق اولموشلار ايران مماليكي محروسه سينده كي ميللي و مدني آخينلاري “نژادپرستليك” ايتتيهامينا توش ائتمكله اؤز منليك و كيمليكلرينه اؤزگه ياشايان (فارس اولمايان) اينسانلاري اؤز ميللي منليك و كيمليكلرينه ياخين دوشمكدن اوزاق توتماغي هدف آلميشلار دئيه دوشونمه لي ييك. فارسليق سيستيمينه قول اولموشلارين بو غرض و مرضلرينه باخماياراق اونلار ائتنولوژِي و سوسيولوژي آلانيندا بيربيرلريدن فرقلي اولان دئييملري ده بيربيرلريندن آييرما قدرتينه ماليك گؤرونمورلر.

اونلار بير ياندان “قوم” مقوله سيني اؤنه چكركن، جومله سونا چاتمادان منطقه ده “ميللتچي” (ناسيوناليست) آخينلارين وار اولدوقلاريني گيزلده بيلميرلر. دئمك، ايران مماليكي محروسه سينده ميلليتلر (ناسيوناليستها) مسئله سي گونون سؤز قونوسودورسا، بو مسئله لر اؤزلريني “جبهه چپ راديكال” تانيتماغا چاليشان فارس عوامفريبلري و اونلارا قويروق اولموشلارين ايفاده ائتديكلري “خرافي، گنك و نا متعين” مسئله لر اساسيندا دئييل، موختليف ميلليتلرين بيرينجي آشامادا ديل، مدنيتلري، گلنك و گؤرنكلري، سونراكي آشامالاردا اونلارين اؤزلريني ايداره ائتمك، اؤز گلجكلرينه حاكيم اولماق مسئله سيدير دئيه قلمه آلينماليدير.

مهدي گرايلو گئنه ده يازير:
“…. ديديم كه جنبش تغذيه كننده ي نيروي اين دستگاه چگونه از بطن تبعيضات طبقاتي جامعه و با مهميز خرافه ي «نژاد و قوم ما» برانگيخته مي شود. مردماني هستند كه گرسنه اند و زور سرنيزه بر سرشان سنگيني مي كند و در اين وقت كاك فلاني از راه مي رسد و حل اين همه بدبختي را منوط به استقلال از فارسها مي خواند و انساني كه در حال غرق شدن است به هر تخته پاره اي چنگ مي اندازد. مهم اين است كه ناسيوناليسم در دسترس ترين تخته پاره باشد و براي غريق بينوا در آن لحظه اهميتي ندارد كه با آن به كجا خواهد رفت” (۵).

گؤروندوگو كيمي فارس راسيستليگي بير ياندان فارس باستانگرايليق مقوله سيندن فايدالاناركن ايكينجي بير ياندان فارس سولچو مئاب تشكيلاتلارينا قوللوق ائدنلردن ده فايدالانماغا چاليشير. بئله ليكله بو ذاتلار راسيست اولماديقلاريني بيلديرمه لرينه باخماياراق ميللي مسئله آچيسيندان فارس راسيستلري كيمي فارس ديل و مدنيتي ني اؤزلري اوچون “وحي منزل” قلمه آلاراق باشقا ديل و مدنيتلري “خرافي، گنك و نامتعين” دئيه قمله آلماغا چاليشارلار. مهدي گرايلو گئنه ده يازير:
“… در برابر اين پروژه، چپ راديكال زدودن هرگونه نشانه قومي از سياست را ضرورتي عاجل – به ويژه در شرايط سياسي ملتهب منطقه كثير المله اي چون خاورميانه و از جمله ايران - مي داند”(۴).

اوسته گؤروندوگو كيمي “حزب كمونيست كارگري فارس” تشكيلاتي نين فيكير باخيميندان اوزانتيسي و قويروغو ساييلان بو ذاتلار فارس اولمايان ميلليتلرين ديل و مدنيت صاحابلارينا بئله بير چيخيشلا ساواش آچميش مقامدا يئر آليرلار. بو كمونيست مئاب و عوامفريب داورانيشلاري نظره آلاراق فارس تشكيلاتلارينداكي موختليف ميلليتلره منسوبيتي اولان اينسانلار فارس تشكيلاتلاريني ترك ائده رك اؤز اينانجلاري اساسيندا اؤز منليك و كيمليكلريني اساس گؤتوره جك تشكيلاتلارين يارانماسيندا بيرينجي آدديمي آتماليدير مقوله سي اورتايا چيخميش اولار.

دئمك، اينسان اولماق، اينسان كيمي ياشاماق فارس راسيستليگي نين يوكونون آلتينا گئتمك دئييل، ايجتماعيتيني، ميللي منليك و كيمليگيني تمثيل ائتمك داها شرفلي ساييلار دئيه دوشونمه لي ييك. مهدي گرايلو گئنه ده يازير:
” … هر گونه دخالت فاكتورها و نشانه هاي قومي در سياست اساسا ً غير انساني ست.”(۴).

ايران مماليكي محروسه سينده كي ظلملردن خبرسيز بيري بو اوسته كي ايفاده ني اوخوركن ايران مماليكي محروسه سينده ديل و مدنيتلر مسئله سي و حقوق برابرليگي و ساييره… اؤز چؤزومونو (حلليني) تاپميش دئيه دوشونوله بيلر. بو عوامفريبليكلره باخماياراق ايران مماليكي محروسه سينده فارس اولمايان اينسانلارين ميللي منليگي و كيمليكلري فارس حاكيميت سيستيمي و اونون قويروقلاري طرفيندن اينسانليق معامله سي گؤرمور مسئله سي نين گونو گوندن قابارماغينا دا تانيق اولوروق.

مهدي گرايلو ايمضاسي ايله يازيلميش يازيدا دولاييلي اولاراق فئدرال موضوعسونا دئگيندينه تانيق اولوروق، اوخويوروق:
“…. تصور ايراني فدرال مي تواند براي اثبات غيرحقيقي بودن اين مدعا كافي باشد: آيا بهره مندي جمهوري فدراتيو بلوچستان با جمهوري فدراتيو فارس از امكانات صنعتي و منابع طبيعي توزيع شده در سطح كشور كنوني ايران يكسان است؟ آيا بهره اي كه جمهوري (!!!) تازه تاسيس خوزستان از منابع انرژي منطقه مي برد، با بهره جمهوري كردستان يكسان خواهد بود؟ اين برابري چگونه تضمين شده است؟”(۴)

اوسته گؤروندوگو كيمي فارس كمونيستلري نين ده مسئله لري “عمي (اينسانيت) مسئله سي دئييل، زمي (ايقتصاد) مسئله سيدير”. دئمك، فارس ميلليتچيلري و راسيستلري فارس ديل و مدنيتي و تماميتچيليگيني فارس ايجتماعيتي اوچون قابارتماغا چاليشاركن، فارس كمونيست مئابلاري دا فارسيستانداكي چؤللوكلري (كوير لوت و كوير نمك) و خوزيستان نفتيني نئجه الده ساخلايابيله جكلريني دولاييلي بيچيمده فارس ايجتماعيتينه خاطيرلاتميش اولارلار. دئمك، ايستر فارس ساغ تشكيلاتلاري، ايسترسه ده فارس سول مئاب تشكيلاتلاري ايران مماليكي محروسه سينده ديل و مدنيت باخيميندان فارس اولمايان ديل و مدنيت صاحابلارينا، اونلار اؤز ميللي و مدني حاقلاريني ايسته ديكلري تقديرده بير دوشمن كيمي چيخيش ائده جك گؤرونورلر. آيري بير مقاله روزبه كلانتري ايمضاسي ايله “دفاعيه لرزان قوم پرستي” عنوانيندا يازيلميش. بو يازيدا روزبه كلانتري بير عوامفريب اولاراق فارس ميلليتي نين وارليغيني دانماقلا ايران مماليكي محروسه سينده كي ميلليتلر مسئله سي ني دانماغا يوخسا ايجتماعيتين گؤزوندن يايينديرماغا جاليشار.

بو يازي نين دا بعضي پاساژلاريني گؤزدن كئچيرمك پيس اولماز دئيه دوشونوروك، اوخويوروق:
” زبان فارسي، “فرهنگ فارسي”، “ملت فارس” … ۲- “ملت فارس” عبارتي علمي و استاندارد نيست و اين عبارت حتي در زبان و خودآگاهي شهروندان هيچ گاه وجود نداشته و ندارد. در تاريخ ايران هيچ جنبش ناسيوناليستي كه در حول اعتقاد به برتري “ملت فارس” شكل گرفته باشد و در جهت تداوم “سروري” آنان تلاش كند وجود نداشته است. افراطي ترين شاخه هاي ناسيوناليسم ايراني و به تعبير قومپرستان “شووينيستهاي فارس” نيز در تبليغاتشان همواره نه بر “ملت فارس” كه برپاسداري از مرزهاي هويتي “ايران زمين” و “ايراني” تاكيد كرده اند و از اقوام ديگر با القاب “ايراني ترين” و “مرزبانان دلاور سرزمين اهورايي” نام برده اند و نه دشمنان تاريخي “ملت فارس”(۵)

اوسته كي گؤروشلر عوام اينسانلار اوچون گؤز قاماشديريجي گؤرونه بيلر. دئمك، “فارس” كيمليگي، ديلي و مدنيتي ني فارس راسيستلري “ايران” مماليكي محروسه سي نين جوغرافي آدينا بوكه رك بو ديل و مدنيتي باشقا ديل و مدنيت صاحابلارينا يئديرمكله كئچيت اولاراق فارس ايفاده سينه سونولولاجاق (تقديم اولاجاق) بوشلوق بوراخماميشلار. آنجاق لازيم گؤردوكلري قدر فارس اولمايان شهر، كند، داغ و داشلارين آدلاريني فارس ائتمكده و فارسلاشديرماقدا اللريندن گلديكلري قدر دري قابيقدان چيخماغا چاليشميشلار. دئمك، حاكيم سيستيم فارس ديل و مدنيتي اوزرينده قورولدوغو اوچون ايستر حاكيم نيظام، اينتيظام مسئوللاري، ايسترسه ده ميللي مسئله آچيسيندان حاكيميته پوزيسيون اولان ايصطلاحاً اوپوزيسيون فارس تشكيلاتلاري بو دورمدان اولدوقجا ممنون گؤرونرلر. محمدرضا شاه زاماني اطلاعات وزيري و كئچميشده كي سومكا (۷) عضوو و فاشيست اولان داريوش همايون بيله ايرانيت آدي داليندا گيزلنمگه چاليشميش.

بو دوغرولتودا داريوش همايون فرانسه راديوسونون فارس بؤلومونده ائتديگي چيخيشينداكي دانيشيغيندان ائشيديريك:
“مليت فارس اختراع همين سازمانهاي قومي‌است، براي اينكه خودشان‌را به‌صورت ملت درآورند. ما ملت فارس نداريم، قوم فارس نداريم، مردم فارس هم خودشانرا نه قوم فارس ميدانند نه ملت فارس، از خراساني هم بپرسيد نميگويد كه من مليت فارس دارم. با اين اختراعات زباني مقدمات تجزيه ايران، هم اكنون از نظر زباني فراهم شده‌است و به هيچ‌وجه نبايد زير بار تقسيم ايران به مناطق زباني رفت، جمعيت ايران در طول 3000 سال به هم آميخته‌اند، همه‌جا همه‌ي ايرانيان پيدا ميشوند. قيد وبندي نبوده‌است كه ايراني كجا زندگي بكند. و اين وضع را همچنان بايد نگه‌داشت. ايران يك ملت است و يك كشور” (۶).

اوسته گؤروندوگو كيمي فارس عوامفريبلري دولاييلي يوللارلا فارس راسيستليگي نين كثيف ايشلريني تميز گؤرستمگه چاليشارلار. روزبه كلانتري گئنه ده يازير:
“… ٣- ابداع واژه “فرهنگ فارسي” بدون شك يكي از شاهكارهاي قومپرستاني نظير ولدبيگي است”(۵).

گؤروندوگو كيمي فارس تماميتچيلر بير عوامفريب كيمي “فرهنگ فارسي” دئيه بير دئييمين اولماديغيني دا بير آلداديجي كيمي ايجتماعيته يانسيتماغا چاليشاراق “ايران و فرهنگ ايراني” ايفاده لري نين داليندا گيزلنمگه چاليشارلار. اوزاق كئچميشلري نظره آلمازساق، كئچميش 82 ايلده ايران مماليكي محروسه سينده فارس ديل و مدنيتينه اساسلانميش، تماميتچي، شوونيست مئييللي و سؤمورگه چي بير فرهنگ ايران مماليكي محروسه سينه حاكيم ائديلميش. بو تماميتچي، شوونيست مئييللي و سؤمورگه چيليك فرهنگيني فارس فرهنگيندن فارس آيدينلاري اوزاقلاتما قابيليتينه ماليك اولسالار، فارس ديلي، گلنه گي و گؤره نگينه اويقونلاشميش بير مدنيت صاحابي اولابيلرلر. دئمك، “آش چوخ شور اولدوغو اوچون آشچي دا پيشيرديگي آشيندان يئمك ايسته مير مقوله سي فارس تماميتچيلري نين يازيلاريندا اؤزونو دولاييلي بيچيمده گؤرستميش اولور. بو فارس راسيستليك، فاشيستليك و سؤمرگه چيليك فرهنگي نين ايران مماليكي محروسه سينه حاكيم اولدوغونا باخماياراق فارس تماميتچيلري و اونلارا قويروق اولموشلار “ايرانيت” سؤز قونوسو اولدوقدا “هنر پيش ايرانيان است بس!!” مقوله سيني ده ديللر ازبري ائتديرمگه چاليشارلار.

روزبه كلانتري گئنه ده يازير:
“… - نقد قومپرستان و فدراليسم طلبان متوجه آرايش حقوقي اداري دولت و حكومت مركزي است و نه محتوي و ماهيت آن”(۵)
گؤروندوگو كيمي فارس ديل و مدنيتينه اساسلانميش مركزيتچي بير سيستيمي فارس تماميتچيلري ساويناراق (مدافعه ائده رك) بو حاكيميت سيستيمينه بعضي كلمه لر آرتيرماقلا ايچريك (محتوا) و اؤزلليك (ماهيت) دگيشه بيلر دئيه ايران مماليكي محروسه سينده كي فارس اولمايان ائتنوسلاري و ايجتماعيتلري آلداتماغا چاليشارلار. ديل و مدنيت مسئله لري حلل اولونماميش توپلوملار اوچون - حاكيميت بيچيمي دگيشميش ممكلتلرده بيله، اؤرنك اولاراق “چارليق روسيه سيستيمي” نين “اتحاد جماهير شوروي سوسياليستي” ويا بالكانلارداكي موختليف ائتنيكلردن قورولموش “يوگوسلاوي سوسياليستي” جمهوريتلرينه دؤنوشمه سي ايله ده- بو مسئله لر اؤزو حلليني تاپا بيلمه ديگيني نظره آلارساق، فارس تماميتچيلري گئنه ده مسئله ني چؤزمك (حل ائتمك) دئييل، خالقي آلداتماق اوچون “ايران” آدينا آرتيراجاق هر هانكي بير ياماغي (اؤرنك اولاراق: جمهوري دموكراتيك ايران، ايران دمكراتيك، ايران سوسياليست و ساييره) وورقولاميش گؤرونرلر. بو دا يول وئريلمز خطا ساييلماليدير.

۲۲/۰۶/۲۰۰۷

http://www.11007.baybak.com/?p=1461

 

 

نوشته شده در جمعه 15 مهر 1390ساعت 03:37 توسط biz turkuz| 0باخیش