بيلينديگي كيمي ايران مماليكي محروسه سينده فارس ديل و مدنيتي اساسيندا اولان ميللي ظولومون بنزري گؤرونه يه رك بو ديل واسيطه سي ايله اعمال اولموش سياست فارس اولمايان ديل و مدنيتلرين اؤلومونه يول آچميش مقامدا يئر آلير. بو آرادا اؤزلريني فارس راسيستلري دئييل، ايران مماليكي محروسه سي اوزره فارس ديل و مدنيتي ني اساس گؤتورموش فارس تماميتچيلري يوخسا “جبهه ميللي ايران” دئيه فارس اولمايان ديل و مدنيتلر صاحابلارينا ديكته ائتمگه چاليشانلارا تانيق اولموشدوق (۱ و ۱.۱). بو تماميتچيليك و راسيستليك مقوله لرينه سئييرجي قالان “حزب نژادپرست جبهه ملي فارس” يانچيلاريندان بيري ده محمد اميني ايمضاسي ايله ايجتماعيتي آلداتماغا چاليشان ذات عاليدير.

يئري گلميشكن بو ذات عالي نين گؤروشلري نين بعضي پاساژلاريني گؤزدن كئچيرمگه چاليشاق، محمد اميني يازير:
“… شگفت آور اين كه بيشتر كوشندگان و رهبران اين گروه ها، خود برخاسته از آذربايجان و كردستان اند و با اين حال، چنان رفتارمي كنند كه گويا هم ايشان نيز بخشي از آن ملت ساختگي ستمگر فارس اند كه كاسه و كوزه همه بدبختي هاي ايران كنوني بر سرش شكسته مي شود”(۲).

بيلينديگي كيمي دوشونجه و فيكير باخيميندان فارس تشكيلاتلارينا پادوچولوق ائدن شخصلر اؤز ميللي منسوبيتلريندن آسيلي اولماياراق فارسليق مفكوره سيني اساس گؤتورموش تشكيلاتلارين توتساغي (زينداني سي) ساييلارلار. بو توتساق (زينداني) اولما يالنيز جيسمي باخيمدان دئييل، دوشونجه، ديل و مدنيت باخيميندان دا كئچرلي ساييلار. دئمك، فارس تشكيلاتلاري ايران مماليكي محروسه سينده كي ميلليتلر مسئله سي قارشيسيندا دئموكراتيك اخلاق و دگرلره صاحيب اولماديقلاري اوچون ميلليتلر مسئله سي باخيميندان بير چيخمازليق (بن بست) ايله اوزلشميشلر. دئمك، بو چيخمازليق و چاتيشمازليغي نظره آلارساق، تماميتچي فارس دوشونجه و فيكير صاحيبلري بو مسئله لري باشا دوشموش گؤرونمورلر.

محمد اميني گئنه ده يازير:
“… نابرابري هاي فرهنگي، اقتصادي و اجتماعي در ميان مردم ايران كه از سدها تيره ايلي و چنيدين پيشينه قومي برخاسته و به زبان هاي گوناگون سخن مي گويند، واقعيتي غير قابل انكار است. جمهوري اسلامي نيز با چيره ساختن برداشتي افراطي از مذهب شيعه و با تبعيض عليه مردمي كه مذهب و آييني جز آيين حاكمان دارند، به اين نابرابري ها دامن زده است….. اما آيا براستي در سرزميني كه در درازاي تاريخ و سده ها، سرزمين همزيستي و آميزش قومي و فرهنگي بوده، اينك ستيز ملي و قومي به جايي رسيده است كه چاره اي جز پايان دادن به يگانگي ايران و ساختن امارت نشين هايي به نام اقوام و ملل ستمديده نيست؟”(۲).

اوسته گؤروندوگو كيمي محمد اميني ايران مماليكي محروسه سينده كي ميلليتلر مسئله سيني كيچيتمه (تحقير ائتمه) دئييملر ايله قلمه آلاراق بو مسئله ني حاكيم اولموش ديل و مدنيت اساسيندا دئييل، بير آلداديجي اولاراق “شيعه مذهبي” ايله علاقه لنديرمگه چاليشار. ائله بوندان يانا دا ميللي ظولوم سؤز قونوسو اولاركن، ايران مماليكي محروسه سينده كي ميلليتلر مسئله لري دئييل، ديني آزليقلار (”مردمي كه مذهب و آييني جز آيين حاكمان”) مسئله سي فارس تماميتچيلري طرفيندن ميلليتلر مسئله سي نين يئرينه قابارديلميش اولار. دئمك، حالوا حالوا دئمكله آغير دادلي و شيرين اولماياجاغي كيمي، فارس اولمايان ائتنوسلارين ميللي مسئله لرينه اؤزگه ياشاماقلا دا بيرليك مقوله سي حياتا كئچه بيلمز. بيرليك مقوله سي اورتاق دگرلر اساسيندا آنلام تاپا بيلر. فارس ديل و مدنيتي ني اساس گؤتورموشلر، فارس اولمايان ديل و مدنيت صاحيبلري نين ميللي وارليقلاريني دانماغا چاليشماقلا هانكي اساسدا و نئجه ايفاده ائتديكلري ميللي بيرليگه چاتابيلرلر؟ دئمك، ايران مماليكي محروسه سينده كي ميلليتلر مسئله سي نين وار اولدوغونو دانماغا چاليشانلار اورتا چاغدا ياشاماني بيلگي سايار چاغيندا ياشاماغا داها اوستون توتموش مقامدا يئر آلارلار.

محمد اميني گئنه ده يازير:
“… اگر كسي اين كارزار جنجال ستم قومي را باور كند و آگاهي چنداني از تاريخ دور و نزديك ايران و فرايند شكل گيري دولت مدرن درايران نداشته باشد، به اين نتيجه خواهد رسيد كه گروهي جنايتكار كه نمايندگان ملتي سيادت طلب وغارتگر به نام ملت فارس بوده و هستـند، سال هاي درازي است كه دمار از روزگار مردم ترك، كرد، عرب و بلوچ تبار در ايران درآورده، هست و نيست ايشان را به غارت برده و در تهران و شهرهاي پيرامون كويرلوت كه بهشت فارسستان است گردآورده اند!”(۲).

اوسته گؤروندوگو كيمي فارس تماميتچيلري ايران مماليكي محروسه سينده ميلليتلر مسئله سي نين وار اولدوغونو بيله قبول ائتمك ايسته مزلر. دئمك، ميللي مسئله نين و ميللي ظولومون وار اولدوغونو قبول ائتمك اؤزو ايله بيرليكده مسئوليت مقوله سيني اورتايا قويموش اولار. فارس تماميتچيلري نين ميللي مسئله سي ني دانمالاري اونلارين مسئوليت آلتيندان قاچمالاري و ايستعمارچيليق سياستيندن ال چكمك ايسته مديكلريندن حئكايت ائدر. بئله ليكله فارس ايستعمارچيليق مقوله سي بير داها فارس اولمايان توپلوملار اوچون سرگيلنميش اولار. دئمك، خاريجي عاميللر واسيطه سي ايله فارس اولمايان ائتنوسلارا يوكلنميش فارس ايستعمارچيليغي اؤز ياشاييشي ني (عمرونو) سوردورمك اوچون ايستر حاكيميتده كي، ايسترسه ده حاكيميته موخاليف كيمي گؤرونن پوزيسيون فيكير صاحابلاري نين كسيشديكلري نقطه دئيه نظره آلينماليدير. بو نقطه ده اؤزلريني فدائيان ايسلام آدلانديران تشكيلاتلا پان ايرانيست محفللري آراسيندا هئچ بير فرق گؤرونمز(۴، ۴.۱، ۴.۲ و ۴.۳). محمد اميني گئنه ده يازير:
“… آيا به راستي تصادفي است كه … كمتر از دوسال بيش از يكسد و هفتاد گروه و دسته قومي از گوشه و كنار سبز شدند و به يكباره جهان دريافت كه وامصيبتا، ايران زندان ملل است و ايرانيان پليدترين دشمنان حقوق ملي اند؟ سرزميني كه نهسد سال، فرمانرواياني تركمان و مغول تبارداشته و بيشتر برپاكنندگان انقلاب مشروطه اش از قفقاز و آذربايجان برخاسته اند؛ سرزميني كه درآن، جز آقاخان كرماني، ديگر رهروان مدرنيته و ناسيوناليسم ايراني اش، يا از دل قاجار تركمن تبار برخاسته بودند و يا پارسي شان با لهجه غليظ و شيرين تركي آذري آميخته بود، اينك به عنوان پليدترين شكل ستم گري ملي باز تعريف مي شود”(۲).

فارس راسيستلري”ايران و ايراني” دئديكده فارس ائتنوسو و مدنيتيني نظره آلاراق باشقا ائتنوسلار طرفيندن فارس ديل و مدنيتي اساسيندا ايداره اولونان ايران مماليكي محروسه سيني بير زندان دئيه قلمه آلميشلار. اوسته ايك كئچميش ۸۲ ايلده “غلام و غلامزاده” دئيه قلمه آلديقلاري تورك شاهلاريني بوگون مصلحت ايجابيندا “فرمانروايان ايران” دئيه ايران مماليكي محروسه سينده كي توركلري آلداتماغا چاليشارلار. دئمك، فارس راسيستلري بو شييادليقلاري ايله ايران مماليكي محروسه سينده ميللي مسئله نين وار اولدوغونو دانماغا چاليشديقلارينا باخماياراق بو آجي واقعيتلرين وار اولدوغونو سيله بيلمزلر. بيلينديگي كيمي رضاخان خاريجي عاميللر واسيطه سي ايله حاكيميت چئوريليشينه قول چكه رك، ايستر قاجار شاهزاده لري (عباس ميرزالارين) نين مودئرنچيليگيني و ايسترسه ده آذربايجان تجددوولوك حركاتلاري نين نتيجه لريني يوخ ائده رك فارس ديل و مدنيتيني اساس گؤتورموش فارسليق سيستيمي نين يارانماسينا يول آچميش. بو مسئله ني دانماغا چاليشماق يالنيز و يالنيز عوامفريبليك ساييلار دئيه دوشونمه لي ييك.

محمد اميني گئنه ده يازير:
“… تارنماي بيجارآذربايجان كه پايگاهش در باكو است و خويشتن را نماينده مردم ستمديده بيجار زنجان مي خواند، از اين هم فراتر رفته، نوشته اي را درج كرده است كه درآن از آذربايجاني هاي ايران مي خواهد كه «به حضورعفريت پليد ارامنه كه دشمنان اسلام درآذربايجان اند پايان» دهند. شرم آوراين كه پيوند به چنين تارنمايي در تارنماي گروه هايي كه خويشتن را هوادار سكولاريسم و بردباري ديني مي دانند درج مي شود!”(2).
اوسته گؤروندوگو كيمي پان ايرانيستلر و فارس تماميتچيلري نين ارمنيلره گؤز ياشي تؤكمه لري اونلارين اينسان سئور اولدوقلاري دئييل، آذربايجان ميللي مسئله سيني ايجتماعيتين گؤزوندن يايينديرما مقصدي گودر. دئمك، “بيجار” آدلي وئبلاگي فارس تماميتچيلري نين آذربايجان جمهورتينه نيسبت وئرمكلري ده ايران مماليكي محروسه سينده كي تورك ائتنوسونو خاريجي عاميللره نيسبت وئرمه ماهيتي داشييار.

محمد اميني پاريس توپلانتيسينا (۱۷-۱۵/۰۶/۲۰۰۷) ايشاره ائده رك يازير:
“… شرم بر ما باد كه در برابر چنين فاجعه اي كه بر جامعه ما مي رود خاموشيم. نه تنها بانگ پرخاشي نسبت به چنين داوري هاي واپس گرايانه اي كه جنگ و ستيز ايلي، قومي و ديني را جايگزين مباره مدني و دموكراسي خواهانه با جمهوري ولايت فقيه خواهد كرد بر نمي خيزد، كه كوشندگان جنبش سكولار جمهوريخواه و نيز پاره اي از هواداران و مشاوران شاهزاده رضا پلوي، چنين گروه هايي را با سلام و صلوات دنبال مي كنند و به صدر مصطبه مي نشانند و مير مجلس شان مي كنند. “(۲).

اوسته كي عيبارتده رضا پهلوي نين مشاورلري دئديكده شهريار آهي، احمد اويسي (ارتشبد غلامعلي اويسي نين قارداشي)، پرويز ثابتي (شاه زامانينداكي ساواك تشكيلاتي نين رئيسي) و اونلارين آل آلتيلاري نظرده توتولور (۳). دئمك، پاريسده كي توپلانتي آغيرليقلي اولاراق فارس سلطنتچيلري، پان ايرانيستلر و بير سيرا فارس جمهوريتچيلري طرفيندن فارس ديل و مدنيتي اطرافيندا اورتايا سوروله رك، فارس اولمايان ائتنيكلردن ده بعضي شخص، يوخسا قوروپلارين نماينده لري بو توپلانتييا قاتيلميشلار. دئمك، اؤزلريني “جبهه ملي ايران” آدلانديران فارس تماميتچيلري بو توپلانتييا قاتيلماديقلاري، او خيال ائتديكلري جبهه دن اوزاق دوشدوكلري اوچون دالدان داش آتماغا باشلاميشلار. بو آتيلان داشلار هانكي فارس راسيستي نين باشيني سينديراجاق داها بيزي گرك ايلگلنديرمه سين (آتلار دئميشلر: قيريلان دوشمن قوشونونداندير).

محمد اميني گئنه ده يازير:
“… كجاست آن شهامت سياسي كه به اين پاسداران قوم گرايي و پاكسازي قومي بگويد كه كارزار شما به بهانه دروغين پايان دادن به ستم ملي «فارس ها» كه گويا دولت جمهوري اسلامي نماينده آن است، در برابرجنبش مدني ايران قرار دارد و صف يگانه جنبش زنان، دانشگاهيان، روزنامه نگاران و كارگران ايران را كه جان بركف در برابر حكومت تبعيض و ريا ايستاده اند، پراكنده مي كند. كجاست آن شهامت سياسي كه هرآن گروه را كه به بهانه رياكارانه مبارزه براي حقوق ملي فلان خلق و بهمان مليت ستمديده، از سفره گسترده نيوكان ها و يا شيوخ عربستان و امارات و پان توركيستها بهره گيرد از خود براند و حاضر به نشستن با ايشان نشود؟”(۲).

اوسته گؤروندوگو كيمي فارس تماميتچيلري ميلليتلر مسئله سي قارشيسيندا ديغلاياراق اود توتماغا باشلاميشلار. دئمك، ايران مماليكي محروسه سينده ميللي مسئله يوخدورسا، محمد اميني خيال ائتديگي صفلر، هانكي وسيله لر ايله داغيلير مسئله سي اورتايا چيخميش اولار(باخ اوسته: صف يگانه جنبش … برابر حكومت تبعيض و ريا ايستاده اند، پراكنده مي كند)؟ دئمك، ميللي مسئله و ميللي ظولوم يوخدور دئمگه چاليشان فارس راسيستلري يالنيز اؤزلريني آلدادا بيلرلر. بونلارا باخماياراق ايران مماليكي محروسه سينده كي فارس اولمايان ائتنوسلار ميللي ظولومون هانكي آشامادا اولدوغونو گونو گوندن داها دا ياخشي باشا دوشرلر!.

محمد اميني گئنه ده يازير:
“… نه دولت كنوني و نه دولت پهلوي نماينده «ستم ملت فارس» بوده و هست و نه دولت قاجار نماينده ستم تركمانان بر فارس زبانان.”(۲).

اوسته گؤروندوگو كيمي محمد اميني گئنه ده عوامفريبليك ائتمگه چاليشار. حاكيم سيستيم دئديكده بير ديل و مدنيتي اساس گؤتورموش حاكيميت نظرده توتولار. حاكيميت ائتمك باخيميندان قاجارلار زاماني ايران مماليكي محروسه سينده فارس ديلي يالنيز ديوان ديلي اولدوغو و خالقلارين ياشاييشينا هئچ بير اتگي و تأثير ائتمديگي اوچون قاجارلار زامانينا عاييد ميللي ظولومدن سؤز صؤحبت اولابيلمز. ائله اوندان يانا دا قاجار شاهليق ديسپوتيزمي (ايستيبدادي) عليهينه ووروشان گوجلر قاجار شاهلاري ائتديكلري ظولمون عليهينه ديوان ديلي ساييلان فارسچاني اؤز آرالاريندا آنلاشما واسيطه سي ائده رك آزادليق اوچون دؤيوش آپارميشلار. آذربايجان تجددودلوك اينقلابي نتيجه سينده اؤيرنيم سيستيمي نين ايران مماليكي محروسه سينه گلمه سينه باخماياراق آذربايجان تجددودلوك حركاتي نين تهراندا يئنيلگه يه (شيكسته) اوغراماسي و رضاخانين ايش اوستونه گلمه سي ايله فارس ديلي مركزيتچي حاكيميت طرفيندن اؤيرنيم و ايجباريت ديلي ائديله رك، اينسانلارين بوتون ياشانتيلارينا بورون سوخان، فارس اولمايان توپلوملارين ديل و مدنيتلري، اونلارين اينساني و فيكري گوجلريني سؤمورمك اوچون بير ايستعمارچي و ظولم ائديجي قاتيل رولونو اوستلنميش بير وسيله اولموش. دئمك، كئچميشده كي حاكيميتلري بوگونكو حاكيميتلر ايله توتوشدوراركن اونلارين آرالاريندا اولدوقلاري آيرينتيلاري (تفرعات)، توپلوملار اوچون اويناديقلاري و اعمال ائتديكلري روللاريني دا قلمه آلارساق، كيمسه نين بوش بوش اؤزونو يورماغا احتياج گؤرونمز. محمد اميني گئنه ده يازير:
“… مردم ايران اين كژانديشي ها را در گذشته آزمون كرده و تاوان آن را با جان و هستي خويش پرداخته اند. فراموش نكنيم كه جنبش فرقه دموكرات آذربايجان و تشكيل جمهوري مهاباد، جنبش دموكراسي ايران را كه پس از شهريور بيست در راستايي اصلاح طلبانه و متين به پيش مي رفت، از مسير خود خارج كرد و به بيراهه كشاند.”(۲).

محمد اميني نين اوسته كي عيبارتلريني نظره آلارساق، فارسلار ايشلتديكلري “… به شقيقه” عيبارتي خاطيرلانميش اولار. بيلينديگي آذربايجان دئموكرات فيرقه سي ۱۳۲۴ ايلينده حاكيميت بوشلوغوندان فايدالاناراق آذربايجان ميللتينه اولموش ظولوملرين قارشيسيني آلماغا چاليشميش. آنجاق بؤيوك دؤولتلر آراسيندا اوينانان اويونلار بو مسئله يه ايجازه وئرمه يه رك آذربايجان ميللتي گئنه ده فارس شوونيزمي و ايتسعمارچيليغي نين آلتيندا قالمالي اولموش. دئمك، فارس حاكيميت قوشونلاري و اونلارا قويروق اولموشلار واسيطه سي ايله آذربايجان و كورد خالقلاري نين قاني تؤكولركن، فارس تشكيلاتلاري- ايستر ساغ، ايسترسه ده سول مئاب اولسونلار- تهران مجليسينه سوخولماق اوچون بيربيرلري نين باشلاريني يارماغا چاليشارميشلار. سونوندا حاكيميت اوغروندا بو گرگين دؤيوشلر نتيجه سينده فارس ساغ (حزب ملت ايران، آيت الله كاشاني و ساييره) و سول مئاب (حزب توده) تشكيلاتلار ياخين امكداشليق ائتمك زوروندا قالميشلار. بو امكداشليقلار نتيجه سينده محمد مصدق نخست وزير اولاراق ايش اوستونه گلميش. آيت الله كاشاني و محمد مصدقين بيربيرلريندن صفلري نين آيريلماسي و توده پارتيسي (شوروي يانجيسي) نين محمد مصدق ايله ايش بيرليگي نين آرتماسيندان آمريكا بيرلشميش شتاتلاري ناراحاتليق حيسسي كئچيره رك حاكيميتي بير سيناريو واسيطه سي ايله گئنه محمد رضا شاها گئري وئرديرميش. دئمك، ايصلاحاتچيليق سؤز قونوسو اولدوقدا، ميلليتلر مسئله سي آچيسيندان حاكيميتيه پوزيسيون ساييلان فارس تشكيلاتلاري نين بوگونكو ايفاده لري ايله دئييلرسه، فارس جمهوريتچيليگي نظرده آلينار دئيه دوشونمه لي ييك. بو مسئله فارس راسيستلري و تماميتچيلري اوچون بير ايدآل ساييلارسا دا، فارس اولمايان ائتنوسلار اوچون گؤز قاماشديريجي گؤرونه بيلمز.

۱۵/۰۷/۲۰۰۷

 

نوشته شده در جمعه 18 آذر 1390ساعت 01:25 توسط biz turkuz| 0باخیش